TV Live ვიდეო არქივი დაგვიკავშირდით რადიო Live

19-04-2014
ტრადიცია

აღდგომის დღესასწაულზე კვერცხის წითლად შეღებვას თავისი ტრადიცია აქვს. გადმოცემით მარიამ მაგდალინელმა იესოს მკვდრეთით აღდგომა იმპერატორ ტიბერიუსს კვერცხებიანი კალათით ახარა, წარმართმა ტიბერიუსმა კი მიუგო, რომ ის კვერცხების გაწითლებას უფრო დაიჯერებდა ვიდრე მიცვალებულის აღდგომას. ამის თქმაზე კვერცხები გაწითლდა. ამ დიდი სასწაულის შემდეგ სააღდგომოდ კვერცხის წითლად შეღებვა ქრისტიანებში ტრადიციად იქცა და იგი სიცოცხლის სიმბოლოა. ძველი ქრისტიანული წესის თანახმად მორწმუნეები აღდგომის დღესასწაულს ერთმანეთს პასკითა და ჯეჯილში ჩადებული წითელი კვერცხებით ულოცავენ. მწვანე ჯეჯილი ახალი ცხოვრების სიმბოლოა, რომელიც ჩვენ იესო ქრისტემ თავისი აღდგომით მოგვანიჭა, რაც შეეხება პასკას იგი იმ მთის სიმბოლოა, რომელზეც იესო ქრისტე ჯვარს აცვეს. პასკა ასევე აღდგომის სიხარულისა და ქრისტიანთა ერთობის სიმბოლოცაა.