TV Live ვიდეო არქივი დაგვიკავშირდით რადიო Live

 

 

გვინდა მივმართოთ მაყურებლებს,რომელთაც ტელეკომპანია"რიონის"გადაცემების ციფრული ხარისხით მიღება სურს. 1 ივლისს, დილით, გამოირთვება ჩვენი ანალოგური სიგნალი.დღის 4 საათის,ანუ 16 საათის შემდეგ თქვენ მიიღებთ ჩვენს ციფრულ სიგნალს ქუთაისსა და მიმდებარე რაიონებში.ეს ეხება იმ მაყურებელს,რომელიც რიონს უყურებს და აპირებს უყუროს ღია ეთერით,უნივერსალური, ანუ მეტრულ–დეციმეტრული ანტენით ,ან ჩვეულებრივი სახლის ანტენით ,უფასოდ.სეთობოქსი,რომელიც მიერთებული იქნება თქვენს ტელევიზორზე,ან ჩამონტაჟებულია თანამედროვე ტელევიზორებში,მოგცემთ ამის შესაძლებლობას.იჩქარეთ ,შეიძინეთ საჭირო ტექნიკური მოწყობილობა. რაც შეეხება მოსახლეობის იმ ნაწილს,რომელიც გვიყურებს მაგთისატით,სილქტივით,გლობალტვ–თ, ნებისმიერი საკაბელო ოპერატორის ან ინტერნერმაუწებლების მეშვეობით, ზემო აღნიშნული პროცესი არ ეხება. უყურეთ "რიონს" ციფრული ხარისხით !!!

 


გუშინ, 12:25
იმერეთში "C ჰეპატიტის" უფასო სკრინინგ აქცია დაიწყო
"C ჰეპატიტის" უფასო სკრინინგ აქცია იმერეთშიც დაიწყო. მხარის თორმეტივე მუნიციპალიტეტში პაციენტები სამედიცინო გამოკვლევებს ჩაიტარებენ. როგორც "ინტერპრესნიუსს" ჯანდაცვის სამინისტროდან აცნობეს, რეგიონში პირველი აქცია თერჯოლის მუნიციპალიტეტში გაიმართა. მობილური ლაბორატორიის მეშვეობით 250–მდე პაციენტმა "C ჰეპატიტზე" უფასო სამედიცინო კვლევები ჩაიტარა. პარალელურად სამედიცინო დახმარება ზესტაფონის მუნიციპალიტეტშიც განხორციელდა. დილის 10:00 საათიდან 17:00 საათამდე მომსახურება 300–ზე მეტმა ადგილობრივმა მიიღო. პაციენტებმა ჩატარებული კვლევის შესახებ ინფორმაცია დაავადებათა კონტროლისა და საზოგადოებრივი ჯანმრთელობის ეროვნულ ცენტრს უნდა წარუდგინონ. საქართველოს შრომის, ჯანმრთელობისა და სოციალური დაცვის სამინისტროს ინიციატივით, "C ჰეპატიტის" მსოფლიო დღისადმი მიძღვნილი აქცია 27 ივლისს დაიწყო და 2 კვირა გაგრძელდება.
გუშინ, 12:24
"ციხისძირში" ქუთაისიდან სოციალურად დაუცველი და წარმატებული მოსწავლეები დაისვენებენ
ქუთაისის მერიის კულტურის, სპორტის, განათლების, ძეგლთა დაცვისა და ახალგაზრდობის საქმეთა სამსახურმა საზაფხულო ბანაკ "ციხისძირში" ქუთაისიდან 70 სოციალურად დაუცველი და წარმატებული მოსწავლე გააგზავნა. პირველი ნაკადი ბანაკში 10 დღეს დარჩება, მეორე ნაკადი, ასევე 70 ბავშვი რამდენიმე დღეში გაემგზავრება. აღნიშნულ ბანაკში ქუთაისის მერი შოთა მურღულია და ვიცე მერი ნოდარ მიქიაშვილი ჩავიდნენ. ქალაქის მერმა ბავშვებთან ერთად მთელი დღე დაჰყო, სადაც საბანაკო რეჟიმით იცხოვრა. დღესვე, ბავშვებმა შოთა მურღულიასგან სამახსოვრო საჩუქრები და სპორტული ინვენტარი მიიღეს. ბანაკს ჰყავს დირექტორი და პედაგოგები, ასევე ბავშვების უსაფრთხოებისთვის ადგილზე მაშველებიც იმყოფებიან. ახალგაზრდობის საქმეთა განყოფილების მიერ აგვისტოს ბოლომდე კიდევ სამი ბანაკის გაკეთება იგეგმება. ერთი ბანაკი შავი ზღვის სანაპირო კურორტზე, დაახლოებით 100 ახალგაზრდისათვის და მთის ორი ბანაკი ტურიზმის ფაკულტეტის 50-მდე სტუდენტისთვის.