3-03-2015
საქართველოს კომუნიკაციების კომისიამ 2 მარტს მეორე სხდომა გამართა ტ.კ. ,,რიონის~ სარჩელი გამო მეგატვ-ს წინააღმდეგ. მეორე სხდომის დღის წესრიგში ორი საკითხი იყო: მეგატვ-ს მიერ სალინცეზიო პირობების დარღვევა, გეოგრაფიული არეალიდან გასვლა და არასათანადო რეკლამის განთავსება. საათნახევრიანი მსჯელობის შემდეგ გადაწყდა გამოიყოს ტექნიკური ჯგუფი, რომელიც კიდევ ერთხელ გადაამოწმებს ტელეკომპანია მეგატივის ტექნიკურ პარამეტრებს, ხოლო, იურიდიული სამსახური შეისწავლის ტ.კ ,,რიონის~ მიერ წარდგენილ მტკიცებულებებს. რომლებიც მეგატვ-ს მხროდან არასათანადო, არაკეთილსინდისიერი, რეკლამის განთავსებას ეხება.
2-03-2015
საგაზაფხულო დღესასწაულისადმი მიძღვნილი ღონისძიებები ხვალიდან დაიწყება. ბაგა-ბაღების აღსაზრდელების მიერ შესრულებული საუკეთესო ნომრები მ. ბალანჩივაძის სახელობის ოპერის თეატრში 13:00 საათზე იქნება წარმოდგენილი. თვითმმართველობის წევრები 3 მარტს საქართველოს ერთიანობისთვის დაღუპული მებრძოლების დედებს მიულოცავენ. ასევე იგეგმება სამშობიაროებში ახალბედა დედებისთვის მილოცვა. 8 მარტს კი რუსა მორჩილაძის შემოქმედებითი საღამო ლ. მესხიშვილის სახელობის დრამატულ თეატრში გაიმართება.
2-03-2015
ქუთაისის მერიის და ამერიკული ორგანიზაცია ,,კეთილი სამარიტელი”-ს ერთობლივი საქველმოქმედო აქცია. 200-მდე სოციალურად დაუცველ და მრავალშვილიანთა ოჯახების ბავშვებს საჩუქრები გადასცეს. აქცია ყოველწლიურ ხასიათს ატარებს. საჩუქრები ,,კეთილი სამარიტელი”-ს და ქუთაისის მერიის ადმინისტრაციული სამსახურის წარმომადგენლებმა დაარიგეს.
2-03-2015
შშმ პირთა დახმარებისა და დახელოვნების ლიგის ინიციატივით ბალანჩივაძეების სახელობის ოპერის თეატრში საქველმოქმედო კონცერტი გაიმართა, რომელშიც მონაწილეობა ადგილობრივმა და მოწვეულმა შემსრულებლებმა მიიღეს. კონცერის მთავარ დანიშნულებას კი შეზღუდული შესაძლებლობის მქონე პირების საზოგადოებაში ინტეგრაცია წარმოადგენს.
2-03-2015
ქუთაისის აკაკი წერეთლის სახელმწიფო უნივერსიტეტში დღეს სემინარი გაიხსნა. აზერბაიჯანელი, უზბეკი, უკრაინელი და ქართველის სტუდენტები ერთი თვის განმავლობაში უმაღლესი საინჟინრო განათლების ევროპულ გამოცდილებას გაეცნობიან. ტრენინგები ევროკავშირის დაფინანსებით ,,ტემპუსის” პროექტის ფარგლებში ჩატარდება.
2-03-2015
წყალტუბოს მუნიციპალიტეტში გივი თალაკვაძის ხსოვნისადმი მიძღვნილი ტურნირი გაიმართა. მძლეოსნობაში ერთმანეთს 14 საჯარო სკოლის მოსწავლეები შეეჯიბრნენ, გამარჯვებულებს სპეციალური პრიზები გადაეცათ. ტურნირი წყალტუბოს მუნიციპალიეტეტის სპორტისა და ახალგაზრდობის სამსახურის დაფინანსებით მესამედ ჩატარდა.
28-02-2015
ახალმოსახლეობა და იმერეთის გუბერნატორის სტუმრობა. ორი ათეული წლის განმავლობაში ვაგონში მცხოვრები 87 წლის ჟენია ჯიშკარიანის სახლის მშენებლობისთვის წყალტუბოს გამგეობამ 12 ათასი ლარი გამოყო.
28-02-2015
ქუთაისის საქალაქო სასამართლომ 19 წლის ნანა გიგლემიანის მკვლელობაში ბრალდებული გიორგი იობიძეს აღმკვეთი ღონისძიების სახით ორთვიანი წინასწარი პატიმრობა შეუფარდა. ბრალდებულის ადვოკატის ინფორმაციით, მისი დაცვის ქვეშ მყოფი დუმილის უფლებას იყენებს, ნანა გიგლემიანის ახლობლები კი აცხადებენ, რომ გიორგი იობიძე მის მიმართ წაყენებულ ყველა ბრალდებას ეთანხმება და თავს იგი დამნაშავედ სცნობს. როგორც გარდაცვლილის დედა რუსუდან ნანავა ამბობს, მისი მოთხოვნაა დამნაშავემ სრული პასუხისმგებლობით აგოს დანაშაულისთვის პასუხი. ნანა გიგლემიანი აღმაშენებლის გამზირზე 6 თებერვალს ავტოსაგზაო შემთხვევის შედეგად გარდაიცვალა, აღნიშნულ საქმეზე შსს საპატრულო პოლიციის დეპარტამენტის იმერეთის მთავარი სამმართველოს თანამშრომლებმა ჩატარებული საგამოძიებო ღონისძიებების შედეგად 1990 წელს დაბადებული პირი დააკავეს. საქმეზე უკვე ბრალდებული გიორგი იობიძის საქმის არსებითი განხილვა ქუთაისის საქლაქო სასამარტლოში 8 აპრილს გაიმართება.
28-02-2015
აქცია საქართველოს 5 ქალაქში. მოწოდება ხელისუფლებას, ქვეითადმოსიარულეთათვის უსაფრთხო ინფრასტრუქტურის მოსაწყობად. დღეს არასამთავრობო ორგანიზიები, სტუდენტები, სკოლის მოსწავლეები და რიგითი მოქალაქეები ქუთაისშიც შეიკრიბნენ.
28-02-2015
პარლამენტის რიგგარეშე სხდომა ქვორუმის არარსებობის გამო ჩაიშალა. სხდომის ჩასატარებლად პლენარულ სხდომათა დარბაზში მინიმუმ 76 დეპუტატის დასწრება იყო საჭირო, თუმცა პირველ ჯერზე რეგისტრაცია პარლამენტის 42-მა წევრმა, მეორედ 41-მა, მესამედ კი 42-მა წევრმა გაიარა. რეგლამენტის შესაბამისად, ვიცე-სპიკერმა მანანა კობახიძემ, რომელიც სხდომას ხელმძრვანელობდა, ის ჩაშლილად გამოაცხადა. სხდომაზე ,,ნაციონალური მოძრაობა” თითქმის სრული შემადგენლობით იყო წარმოდგენილი, თუმცა მას უმრავლეობის წევრთა უმრავლესობა არ ესწრებოდა. სხდომა საპარლამენტო უმცირესობის ინიცატივით იყო მოწვეული. მასზე კანონმდებლებს ქვეყანაში შექმნილ მძიმე ეკონომიკურ კრიზისსა და მისი დაძლევის გზებზე უნდა ემსჯელა. ,,ნაციონალური მოძრაობა” სხდომაზე ანტიკრიზისული გეგმის შეთავაზებასაც გეგმავდა.
1 ... 5 6 7 8 9 10 11 12 13 ... 329