22-07-2015
ესენი მართლა უზრდელები, დემაგოგები არიან. გადადიან დაუკრეფავში. აბსოლუტურად მოწმენდილი ციდან გამოიყვანენ რაღაც სიტუაციას. თავ-პირი უნდა უმტვრიო ამათ დღე და ღამე", - ასე გამოეხმაურა დეპუტატი ზაზა პაპუაშვილი პარლამენტში კომიტეტის სხდომაზე უმცირესობასთან მის სიტყვიერ დაპირისპირებას. ,,ყოველთვის ვგულშემატკივრობ კანონიერებას, სიმშვიდეს და პროფესიონალიზმს. აქ ყველამ კარგად იცის, რას იტანს ეს პარლამენტი ასეთი ადამიანებისგან და დემაგოგებისგან. ხალხიც დაიღალა. თუ არსებობს რამე კითხვები, გაეცით კანონის დონეზე პასუხები. წარმოუდგენელ რაღაცაში გადადის ეს ყველაფერი. ესენი მართლა უზრდელები, დემაგოგები არიან. გადადიან დაუკრეფავში. აბსოლიტურად მოწმენდილი ციდან გამოიყვანენ რაღაც სიტუაციას. თავპირი უნდა უმტვრიო ამათ დღე და ღამე. ბევრ რაღაცაზე კიდევ ვიკავებ თავს და ამას კანონიერად გაეცით პასუხი. დავიღალე მე პირადად ერთი და იგივეთი. ჩვეულებრივად ვიჯექი კომიტეტის სხდომაზე და მოაწყვეს პროვოკაცია. არ მქონდა არანაირი სურვილი მათთან პოლემიკაში შესვლის", - განაცხადა ზაზა პაპუაშვილმა კომიტეტის სხდომაზე სიტყვით გამოსვლისას. ადამიანის უფლებათა დაცვისა და თავდაცვისა და უშიშროების კომიტეტის გაერთიანებულ სხდომაზე უმცირესობასა და უმრავლესობის წევრებს შორის სიტყვიერი დაპირისპირება მოხდა. სხდომაზე ვახტანგ გომელაურის კანდიდატურაზე მსჯელობენ.
22-07-2015
ეროვნული კინოცენტრის და კულტურის სამინისტროს ინიციატივით, საქართველოს რეგიონებში ახალი კინოპროექტი იწყება. ეროვნული კინოცენტრის ინფორმაციით, ამასთან დაკავშირებით, დღეს, კულტურისა და ძეგლთა დაცვის მინისტრი მიხეილ გიორგაძე და ეროვნული კინოცენტრის რეგიონალური პროექტების დეპარტამენტის უფროსი კონსტანტინე ჩლაიძე კულტურის სამინისტროში პრესკონფერენციას გამართავენ. "დიდი პაუზის შემდეგ პირველად, 23 ივლისიდან 10 სექტემბრის ჩათვლით, საქართველოს 18 რეგიონში წარმატებულ თანამედროვე ქართულ ფილმებს ნახავენ. კინოჩვენებები გაიმართება კულტურის სახლებსა და ცენტრებში, რომლებიც კულტურისა და ძეგლთა დაცვის სამინისტროს მიერ აღჭურვილია ეკრანებითა და პროექტორებით. რეგიონებში მაყურებელს მიეცემა შესაძლებლობა დიდ ეკრანზე ნახოს ბოლო წლებში გადაღებული ქართული ფილმები. 23 ივლისიდან ყოველ ხუთშაბათს ეკრანზე გამოვა ახალი ქართული ფილმი, რომლის ნახვის საშუალება მაყურებელს ერთი კვირის განმავლობაში ექნება. პროგრამაში შედის 2013-2015 წელს გადაღებული ფილმები, რომლებმაც წარმატებას მიაღწიეს მსოფლიოს წამყვან ფესტივალებზე და რომელთა ნაწილსაც ჯერ არ იცნობს ფართო აუდიტორია", - ნათქვამია ეროვნული კინოცენტრის ინფორმაციაში. ფილმების სია ასე გამოიყურება: 1."კრედიტის ლიმიტი" - რეჟ. სალომე/ნუცა ალექსი-მესხიშვილი; 2. "მანდარინები" - რეჟ. ზაზა ურუშაძე; 3. "გრძელი ნათელი დღეები" - რეჟ. ნანა ექვთიმიშვილი, სიმონ გროსი; 4. "მე ვარ ბესო" - რეჟ. ლაშა ცქვიტინიძე; 5. "პატარძლები" - რეჟ. თინათინ ყაჯრიშვილი; 6. "სიმინდის კუნძული" – რეჟ. გიორგი ოვაშვილი; 7. "შემთხვევითი პაემნები" - რეჟ. ლევან კოღუაშვილი; 8. "ყარასტანში დაკარგული" - რეჟ. ბენ ჰოპკინსი. რეგიონების ჩამონათვალი: ფოთის ფოლკლორის ცენტრი; სსპი ხულოს თეატრი; მარტვილის კულტურის სახლი; გორის კულტურის ცენტრი; მარნეულის კულტურის სახლი; ყვარელის კულტურის სახლი; ბაღდადის კულტურის ცენტრი; კასპის კულტურის სახლი; ლანჩხუთის კულტურის ცენტრი; დედოფლისწყაროს კულტურის ცენტრი; ლაგოდეხის კულტურის ცენტრის კინოთეატრი "სინემა"; თიანეთის კულტურის ცენტრი; ნინოწმინდის კულტურის სახლი; ონის კულტურის ცენტრი; ხარაგაულის კულტურის ცენტრი; დუშეთის კულტურის ცენტრი; შპს "საჩხერის კინო"; თელავი - ა(ა)იპ კისისხევის კულტურის სახლი.
22-07-2015
ქუთაისში მოქალაქემ 5000 ლარის გამო მევალეს 2 სართულიანი სახლი დაუწვა, შემთხვევა დღეს რუსთაველის ქუჩის მე-8 შესახვევში მოხდა, როგორც სახლის მეპატრონე ამბობს, შენობაში არაფერი გადარჩენილა. მეზობლების ინფორმაციით უცხო მამაკაცმა სახლში თვითნაკეთი ე.წ. მოლოტოვის კოქტეილები შეაგდო, რადროსაც ძლიერი აფეთქების შედეგად საცხოვრებელი სახლი დაიწვა. მომხდართან დაკავშირებით მიმდინარეობს გამოძიება.
22-07-2015
მუხნარის ტყეში დღეს 1937 წელს რეპრესირებულთა მემორიალი იმერეთის გუბერნატორმა და ქალაქის მერმა გვირგვინით შეამკეს. მიცვალებულთა სულის მოსახსენიებელი პანაშვიდი წმინდა ნიკოლოზის ტაძრის მოძღვარმა მამა გიორგიმ გადაიხადა.მემორიალთან დღეს რეპრესირებულთა ოჯახის წევრებიც მივიდნენ. მათ კიდევ ერთხელ იმ წლების ტრაგედია გაიხსენეს. 1936-ი 1938 წლების რეპრესიების დროს საქართველოს საპყრობილეებში დაახლოებით 63 ათასი ადამიანი მოხვდა, აქედან 20 ათასი დახვრიტეს, თუმცა ზუსტი რიცხვი მაინც დაუდგენელია. რეპრესიებს ცნობილი ქართველი მწერლები - მიხეილ ჯავახიშვილი, ტიციან ტაბიძე, შალვა ნუცუბიძე, პაოლო იაშვილი, სანდრო ახმეტელი ემსხვერპლნენ.
22-07-2015
საქართველოს მთავრობის კანცელარიის ინიციატივით იმერეთის ზედამხედველობის სამსახურის თანამშრომლებს ერთდღიანი სემინარი ჩაუტარდათ. ტექნიკური ზედამხედველობის დირექციის უფროსის გივი მებონიას განმარტებით მშენებლობის ხარისხს დასრულების შემდეგ ზედამხედველობის სამსახურის თანამშრომლები ამოწმებენ. თანამედროვე სტანდარტების დამკვიდრებამ კი დღის წესრიგში მათი გადამზადების საჭიროება დააყენა.
22-07-2015
ზემო და ქვემო იმერეთში განსახორციელებელ ინფრასტრუქტურულ პროექტებზე იმსჯელეს დღეს თეთრ დარბაზში შეკრებილმა გამგებლებმა და მხარის ხელმძღვანელობამ. ვიცე-გუბერნატორ - გიორგი ჭიღვარიას განმარტებით არის პროექტები, რომლებიც რიგი მიზეზების გამო ვერ შესრულდა, რაც შეხვედრაზე მთავარ განსახილველ თემას წარმოადგენდა.
22-07-2015
მე 10-მანეთიან ბოზებში არასდროს დავდიოდი - თუკი ვინმე ლამაზი ქალბატონი იყო საბჭოთა კინოში, ყველასთან ვარ ნამუშევარი 10 მანეთის გარეშე, - აღნიშნული განცხადება პარლამენტის რიგგარეშე სხდომაზე დეპუტატმა სოსო ჯაჭვლიანმა გააკეთა. მისივე თქმით, ის არასდროს დადის EBRD-ზე, რადგან მეუღლის ერთგულია. "მოგახსენებთ იმასთან დაკავშირებით, თუ როგორ გვენატრება რუსეთი. კაკო ბობოხიძემ ბრძანა, რომ ჩვენ 37-მანეთიანი ბილეთები და 10-მანეთიანი ბოზები გვენატრება. ბატონო კაკო, ის 37-მანეთი მაშინ ახლა ჩემთვის 5 ათასს ევროიანია – ვანგარიშობ მსყიდველობით. მე ბოზებში არასდროს არ დავდიოდი, არც მაშინ და არც ახლა. ჩემთვის შეუერცხმყოფელი იყო 10 მანეთის გადახდა. მე, 10 მანეთის გარეშეც ვახერხებდი ამ საკითხებს. ისე ცნობისთვის, თუკი ვინმე ლამაზი ქალბატონი იყო საბჭოთა კინოში, ყველასთან ვარ ნამუშევარი 10 მანეთის გარეშე. ეტყობა თქვენ ასეთი საკითხები ძალიან გაწუხებთ. მაგალითად, ქალბატონი ეკა ხერხეულიძეს ჩემი ოჯახის დანგრევის მცდელობა ჰქონდა. მან ამ რამდენიმე თვის წინ ბრძანა, რომ პარლამენტის სესია იმიტომ ჩაიშალა, კვორუმი არ შედგა, სოსო ჯაჭვლიანი იბიარდზე იყოო. რატომ მაყენებთ შეურაცხყოფას, ქალბატონო ეკა? მე იბიარდზე ვერასოდეს ვერ ვიქნები – მე ერთგული მეუღლე ვარ. ეს თქვენი გუნდი დადიოდა ამ "იბიარზე" 10 წლის განმავლობაში. ეს "იბიარდობა" ეტყობა ქვეყანას. ამიტონ ნაიბიარდები ქვეყნის გამოყვანა სტაგნაციიდან ძალიან ძნელია. ჩვენ ვეცდებით საღი აზრების იმპლემენტირება გავაკეთოთ", - განაცხადა ჯაჭვლიანმა სესიაზე. გამოსვლისას სხდომის წამყვანმა, პარლამენტის პირველმა ვიცე-სპიკერმა მანანა კობახიძემ ჯაჭვლიანის გაჩერება რამდენჯერმა სცადა და შეახსენა, რომ პარლამენტში კორექტულად ესაუბრა. ჯაჭვლიანის განცხადებისას დეპუტატები სიცილს ვერ იკავებდნენ.
22-07-2015
საპარლამენტო უმრავლესობის წევრი სოსო ჯაჭვლიანი რუსეთთან დიპლომატიური ურთიერთობების აღდგენის წინადადებით გამოდის. როგორც ჯაჭვლიანმა პარლამენტის დღევანდელ პლენარულ სხდომაზე განაცხადა, რუსეთს ყოველგვარი შუამავლის გარეშე უნდა ველაპარაკოთ. "საქართველოს ტერიტორიები ოკუპირებულია. ჩვენ გვმართებს ძალიან დიდი სიფრთხილე, რომ პროცესი არ გაგრძელდეს. არსებობს ამ პრობლემების შეჩერების ორად-ორი გზა, პირველი ომი და მეორე – დიპლომატიური ურთიერთობების აღდგენა რუსეთთან. ომით რა მივიღეთ, ვნახეთ და ვიცით. ჩვენი პატრონი არავინ არ არის - არც ამერიკა, არც ევროპა, არც რუსეთი, ყველა თავისი ინტერესების მიხედვით მოქმედებს. ამერიკა და ევროპა გვეუბნება, გამონახეთ საერთო ენა რუსეთთანო, მაგრამ როცა საქმე საქმეზე მიდგება რაღაცა ძალა უშლის ამ მოლაპარაკებას. იგივეს გვეუბნებიან რუსები – გამონახეთ საერთო ენა ოსებთან და აფხაზებთან, მაგრამ ჩვენ ხომ ძალიან კარგად ვიცით, რომ არავინ არ დაგვალაპარაკებს არც ოსებთან და არც აფხაზებთან. ასე რომ, 20 წელია ჩვენი მტერი და მოყვარე შეშფოთებულია. არაფერი იცვლება. მე ღრმად ვარ დარწმუნებული, რომ არავინ თავს არ შეიწუხებს. მოკლედ რომ ვთქვათ, "გვაბოლებენ". ჩვენ უნდა გადავდგათ ნაბიჯი და ველაპარაკოთ რუსეთს ყოველგვარი შუამავლის გარეშე, სხვა გამოსავალი უბრალოდ არ არსებობს", - განაცხადა სოსო ჯაჭვლიანმა.
22-07-2015
ქუთაისის ადგილობრივი ხელისუფლებაი ახალი პროექტს -"შენი იდეა ქუთაისის განვითარებისთვის" ახორციელებს. აღნიშნული პროექტი ქუთაისის სტრატეგიული განვითარების გეგმაში გასათვალისწინებელად მოქალაქეებიდან წამოსული იდეების, სურვილების, წინადადებების, რეკომენდაციების სისტემატიზაციასა და ანალიზს ითვალისწინებს. პროექტში ჩართულია ქუთაისის მუნიციპალიტეტის 50 - თანამშრომელი, ადგილობრივი თვითმმართველობის მოხელეთა მიერ ქუთაისის 12 ტერიტორიული ორგანოს მიხედვით მოქალაქეთა პირისპირ გამოკითხვა - და " ანკეტირება ხდება. " მათი იდეების, სურვილების, წინადადებებისა და რეკომენდაციების დადგენის მიზნით მოქალაქეებს საშუალება აქვთ ქუთაისის სტრატეგიული განვითარების გეგმის ფორმირებისათვის საკუთარი იდეები წინადადებები, სურვილებისა და რეკომენდაციები წარადგინონ. აკაკი წერეთლის სახელმწიფო უნივერსიტეტის სააქტო დარბაზში სამოქალაქო ფორუმს დღეს საზოგადოების წარმომადგენლები ესწრებოდნენ.
20-07-2015
ქუთაისის ციხეში ხუთმა პატიმარმა პროტესტის ნიშნად შიმშილობა დაიწყო და თვალები და პირი ამოიკერა.როგორც პატიმრების ახლობლებმა ჟურნალისტებს განუცხადეს, მათ სამართალდამცავი ორგანოები პოლიციაზე თავდასხმას ედავებიან. დაკავებულთა ახლობლების თქმით, ციხეში მყოფები თავს უდანაშაულოდ ცნობენ და აცხადებენ, რომ ისინი საპყრობილეში უმიზეზოდ სხედან. შემთხვევა, რის შედეგადაც პოლიციაზე თავდასხმის ბრალდებით რამდენიმე პირი დააკავეს 2014 წლის 16 ოქტომბერს, მარტვილის რაიონის სოფელ ბანძაში მოხდა.
1 ... 5 6 7 8 9 10 11 12 13 ... 367